#مونتيكس لمراد الجهماني
بعجبوني الشباب الطموحين الي بعمري الي بحاولو ينتقدوا السياسيين وبمزعو هاض مسبه وهضاك اسفين وواحد بشمعوه مسمار وبحكو الحق عبر الفيس بوك وما بهابو
جماعة التوّريم ( م خ ب ) الله يمسيهم بالخير ويبعدهم عني ، مره اجيت بدي اعبر ، اكتب ، انتقد ، انحريت ع ختيار مش ملاقي حق رغيف الخبز وولاده زاتينه بالشوارع لا جاكيت ولا وعيه ( ملابس ) اتدفيه ، كتبت وسبيت وقدحت هاض وطخيت ع هاض ، نشرتها ع صفحتي وهون رن الحجي بعد دقيقه واربع ثواني وسبعطشر ربع خزق من الثانيه ، لولولولولويييييش !!! امرك يا حج شطبت وبطلت اكتب ، شو بدكو بطولة السيرة المهم #اللمبه المستفاده من الكذب هاض انه نصفن لحظه ، نلد حوالينا ، انا وانتا وهو وهي لو ظلينا نطخ ع انسان معين ، وننتقد ونقيم ونحط ، اتخيلو انه رسالتنا ما بتوصله وما عنده فيس اصلا ، لو اتخبينا ورا الشاشات وضلينا نكتب رح نضل محلنا وكلامنا ما رح ينقرا حاله حال هاض البوست .
.jpg)
